So wat gaan aan in die lewe van Marra Parra…

Ek het so klein onder-onsie met ‘n nuwe aanstelling van my vorige maatskappy gehad.Dit was nie baie lekker nie, omdat my hoof klagte was om daar te gaan uithelp. Dis ook vreeslik wat mens se brein aan jouself kan doen. Maar feite weg bloem was nog altyd ‘n gunsteling van die idiote by my vorige werk.

En natuurlik “polly – blameer – wegskuiwing”. Gelukkig het ek my gat af gewerk om seker te maak als is reg vir die nuwe aanstelling. Maar raai raai wat doen die onopgevoede van my vorige werks lewe?? Die dokumentasie wat wel vir die nut gebakte peer gegee word, is nie eers die boom werd wat gedood is vir die papier nie. So wat is die uiteinde…ek word herhaaldelik geskakel omdat die nuwe aanstelling wil weet hoe werk dit, wat word daar gedoen, hoekom word dit gedoen wanneer word wat gedoen. Liewe hemel…Dit sal my 2 volle dae vat net om te verduidelik hoe moeilik die 1 groot klient is, wat nog die rede vir die kode wat geskryf is. Toe word daar geld aangebied. en die snaakste is, iemand anders wat moes kontrakteur, is R250 aangebied. Deur onkunde is gedink ek is nie ingelig nie, groot was my skrik toe ek ‘n skamele R75 aangebied word…Toe word daar gehuil omdat ek petrol geld ook wou vra.

Help is help maar as ek al die werk moet oordoen, en dan 127 kilo’s moet ry vir die oordoen van my werk, dink ek nie om ‘n geldtjie te vra vir petrol is enigsins onredelik nie. Toe word daar nie verstaan nie. Want ek het mos gese ek sal help. En hoekom vra ek nou al die geld. Wel toe Marra ja gese het vir help, was dit ‘n uur of twee. Dit was ook met my deur ry en hallo se vir al die wat agter gelaat is. Toe moes ek nog ‘n nuwe aanstelling wys wat in sekere databasisse aangaan. En net daar besluit ek, met al die bogenoemde inligting, ek is besig om my eie tyd te mors. Ek het vir R120 ‘n uur gevra, plus petrol. En ek het voorgestel ek kom vir die hele dag. Wat nog ‘n groot grap is, ek WEET die 1 persoon wat aangestel is, kry R10000 plus minus meer as wat ek gekry het. Dan moet ek nog sy werk vir hom met ‘n silver lepel gaan voer. Hierdie drol dink nie so nie!! Ek het maar geantwoord

dat ek nie my “vorige groot fout” se geld nodig het nie. Nog meer het ek nie nodig om myself aan engie iemand daar te verduidelik nie. Wat my ook erg verras het, is dat 1 GROOT sleutel figuur erken het dit was ‘n groot fout, nie my hulp vra nie…iets anders. So dit het my laat besef…die laaste hoop wat ek gehad het dat daar enigsins menslikeid is in die Kaklantis gedeelte, was of die stank van my eie derm winde, of ek het iets in my koffie/water gekry wat my laat roggel het in ‘n kaleideskoop van vals kleure.

Laaste wil ek afsluit en net sê, ek verbrand nie brue nie, wat ek dink dis baie dom. Maar die Vader weet, Ek sal als in my vermoë doen om almal se oë oop te maak wat met manipuleerende werk omgewings te doen het. Ek is laas gemanipuleer toe ek gesukkel he tom plus en minus somme te doen. En dis jare en jare terug hoor…As jule so wil optree, gaan jul goed, gaan in jul moer!! En die prentjie is vir almal wat dink hulk an weg kom met enige form van “die onderdruk van jou mede mens”.

Viva die vryheid wat die waardering van my nuwe werk vir my het…!!!

Die lewe wat mens kies…

Pok die woord program maak my die hel in. Ek moet soveel keer die automatiese regmaak van my woorde…gaan reg maak. Groot pyn.

Maar laat ek nie folisofies raak ook programmatuur nie. Ek moes vandag ‘n vergadering bywoon. En ek het absoluut geen idee gehad waaroor die vergadering gaan nie. Gelukkig het my oorlewings prosedures ingeskop, en ek kon darem my man staan teen groot…groot kliente. Ongelukkig kan ek nie uitbrei oor vergadering nie. Al wat ek kan noem is…hou die tv en selfoon winkels dop. Hahahahaha…skuus julle. Ek weet dis sonde om iemand nuuskierig te maak en dan pokken dom te speel. Maar nou ja, vat dit so of los dit. Nou ja, my eintlik punt…Ek weet ek het al baie geneul oor my vorige werk. Maar ek moet die volgende noem. Dis ongelooflik, hoe baie maatskappye verskil as gevolg van die verskillende leierskap. Magtag maar my huidige maatskappy het goeie prosedures. Nee rerig.

Dis ongelooflik hoe als vloei, sonder moeite, sonder skree, sonder soebat en sonder bloed oortappings en pille vir stres. Enige maatskappy het hul groen neus ornamente, en ja, jy gly soms. Of val jouself nerf af, maar hier het jy die keuse om ‘n hand reeling te gryp of nie. Ek moet vir volgende 2 weke, 3 projekte oorvat vir my IT leier.

En ek kan nie wag nie.

Wel hier gaan dit so, maar ek wens ek kan dieselfde noem van iemand wat ek ken se werk. Eerstens word sy as ‘n vrou hanteer en nie kollega nie. WDP?(Wat de POK?) Watse tyd leef ons nou? En dan, omdat hul fout gemaak het, moet sy ‘n vergadering bywoon, waar sy moet verduidelik hoekom sekere goed nie klaar is nie. En raai wat…die leier van die 1 projek, senior leier moet ek bysit, het projek vir jaar opsy geskuif, omdat hy ‘n kind is, en nou moet almal spring en soos honde blaf as daar beskuitjies uitgedeel word? Flip ek verstaan dit nie. Ek wonder of die mense wee twat hula an hulself doen? Want op hul mistige oog ag, lyk als soos wafels en roomys en stroop, maar as hul hul ogies uitvee, is dit een of ander afskeidsel van 1 of ander dier,waarin hul staan. En die reuk is nie soet en koud nie, die reuk is bitter en afbrekend. Ek wil vir julle vertel, julle is besig om 1 baie goeie werknemer te onderdruk,opsy te skuif en te mishandel. En raai wat…Ek kan uitvind waar 2 van die 3 bly. Hahahahahaha…Dit sal nie goed afgaan nie. En...groei 'n ruggraat, dalk beweeg jy vorentoe, soos jy moet, en nie soos 'n krap na die kant nie...

Sterkte aan almal wat werks probleme het, my probleem is tyd, maar gauteng het die goeie gawe om jou tyd te steel. Ek gee nie om nie, ek is nog net nie gewoond daaraan nie. Maar dis lekker om in gauteng te werk, JA DIT IS!!!!

Die dag van reuk en treur…

Ook maar goed ek het nie ‘n foto geneem nie. Maar ek het besluit om die engel van dood se werk te respekteer. En alhoewel dit beslis nie ‘n mens is nie, ewenaar my liefde vir diere amper die mensdom sin. Ek weet nie hoe ek moet voel nie. Dis nie my hond nie. Maar ek voel jammer dat so prag dier deur die honde engele kom haal is.

Ore en sy broer het nog nooit oor die weg gekom nie. Mar snaaks genoeg, hy was altyd die byter en Kaburu(boertjie in Swahili) die liefde diertjie. Ek weet nie wie het wie af geknou en hoekom nie. Dalk 1 van die ander honde wat Ore gebyt het. Sy wang was opgeswel vrydag, en ek het hom nog gespot en gesê hy lyk soos Mike Tyson met sy opgeswelde gesig. Saterdag het ek hom nog in die son sien lê, seker om sy koors gevulde lyf bietjie warm te maak. Sondag het ‘n gat ingeval in sy wang…en daar was ‘n nuwe tand gaaitjie net onder sy oog, en ‘n mengsel van bloed en sig het daaruit gestroom. Ek het probeer met anti-septiese salf en panado’s, wat ek in ‘n kaas worsie weg gesteek het.

Ek moes beter opgelet het, ek onthou nou hoe Ore sondag nie eers oog geknip het, as ek die wond behandel het nie. Dit was vreemd maar hy was nog seer…nog wakker…Ek het my hande “onder sy arm gedruk” om te voel vir koors, maar hy was nie buitensporig warm nie. Ek het elke 2 ure seker gemaak dat hy vars water kry. Ore het 2 keer sy seer geswelde kop teen my kom druk nadat hy sy dors geles het, so…so asof hy kom dankie sê, of dalk kom totsiens sê. Ek weet nie, maandag is ek oppad werk toem het hom gevryf en ek moes hom na sy waterbak dra. Hy kom nie self staan nie. Net daar het ‘n stem vir my gesê hy gaan dit nie maak nie. Hoekom het ek nie geluister nie, ek het dit al voorheen gesien…

Maandag middag, terug by huis, roep ek vir Ore, hy reageer nie, ek kan nie beskryf wat ek gesien het nie, maar ek het dadelik die engel van dood se reuk gekry, en die groen liefde en respek wat besig was om te ontkiem in my vir die diere, het my oorweldig. Hy was bietjie stuif, maar het nog liggaamlike hitte gehad, ek het hom net gemis(hoekom het ek 40 minute later gery by werk?). Dit was die swaarste handeling, om die pik en graaf te gaan haal. En die kruiwa…Ek kan nie eers onthou dat ek my werks klere uit getrek het nie. Ek wou ook Kaburu en Tiger toemaak, hulle wou niks weet nie. Hulle het net langs die kruiwa geloop, koppe wat hang. Ek het Ore se graf uitgemerk, my tyd gevat, ek wou nie haastig wees nie, hom die laaste son sak gee, al kon sy fisiese oë nie meer sien nie. Ek het die vliee eiers uit sy oë en mond gehaal, ek weet dit was ter vergeefs, maar ek gaan hom nie so neerlê nie. Die grond was so blerrie hard, ek het gekap en gegraaf, water gedrink, gekap, gekap, gegraaf…Die opsigter, Patrick, het my later kom help. Niemand het woord gesê nie. Die son het gesak, ek het flits gaan haal, en my beter helfte gesms. Ek is lief vir jou en DANKIE! Ek het Patrick gevra om Ore so te lê dat as hy sou regop kom, hy vir die ooste kyk, net moordenaars en diewe word begrawe na die weste toe. Ore MOET vir die son kyk! Snaaks dat ek en Patrick eers net kon staan en kyk, elkeen met sy eie gedagtes. En saam het ons gesê nou ja, gooi toe…Soos Patrick se geloof is, het ek ‘n groot rots op Ore gesit, sodat hy nie kan opstaan nie. Ons het terug geloop en die stoep skoon gemaak. Of eerder Patrick het, ek kon nie meer nie. My lyf was te seer, ek het lank laas pik geswaai, en dis die eerste graf wat ek grou in my lewe.

Ek weet dis net ‘n hond, maar dis jammer. Ek is jammer dat ek jou nie veearts toe gevat het nie, ek is jammer dat ek laaste met jou geraas het vir die afknou van jou broer. En ek voel bly ek kon jou ken. En ek weet dat jy in beter plek is, sonder pyn en lyding. En dankie vir al jou moeilikheid en kanse wat jy gevat het. Rus in vrede jou pragtige hond!

Terug en lewendig…

Pokket…wat ‘n paar maande…Wie sou kon droom dat ek in eerste 3 maande soveel vernadering sou sien. Dit maak my bang as ek terug dink daaraan. Kyk mense…my broek bewe. Gelukkig het ek 'n pilaar wat buig...maar nie knak nie. En nee ek verwys nie na my anatomie nie, ek verwys na die skadewee agter elke ordentlike, opgevoede, suksesvolle man. Die beter helfte. My beter helfte!!

Ek was bietjie minder as ‘n maand weg van haar. En daar is paar mense wat sal sê hou op teem, soos my wonderlike broer…en nee hy is wonderlik. Maar hy verlaat sy huis op gemiddeld elke 3 maande, vir 4 tot 6 weke amper…Ek glo nie vir 1 oomblik dat hy en sy verloofde gewoond is aan die tyd weg van mekaar nie.

Maar dit het nie meer so groot impak op hul lewens nie. My eerste maand wg van my klein wonderwerkie was baie naby aan HELL. Ok ek het geen idée hoe dit in HELL is nie. Maar ons almal weet dis ‘n plek waar mens nie wil eindig nie. Pok, dis soos Messina…ek sal in winter gaan kuier, maar die somer sien my nie daar nie!! Dis soos Pongola, waar hoender mense hul hoender hokke moet afspuit met water, anders bak die arme pluimee gaar. Pokken siek…

Ok, die nuwe werk…Dis vinnig, dis klomp en klomp…en dis pokken lekker. Ek het baie te sê oor my vorige maatskappy se probleme, maar dit maak hul nie ‘n slegte maatskappy nie. Maar o wee, ek is baie bly ek het die groter prentjie kom opsoek. Al is dit nou in Gauteng. Ek spring weer in die oggende op met moerse lawaai en sing in stort dat die 3 pit bull honde saam my raas. Ek dink nie hul hou van my stem nie. Maar ek bly op plot, so woe gee om. Nie hierdie “wil wees” skrywer nie. Ek is seker my maanskyn en rose gaan een of ander tyd in olie en papawer verander hier en daar. Soos reeds genome, het ek ‘n pragtige, sterk, slim pilaar wat my regop hou en inspireer. Ek sou sonder haar, seker nie 80% van die laaste tyd gemaak het nie. Dankie my rede om te lewe.

Nou ja, ek gaan afsluit met niks…want ek het nie rêrig iets om oor aft e sluit nie. Ek mis nie die Kaap soos ek moet nie. Ek mis die mense. Maar dit kan op gereelde basis met 2 uur vlugte uitgesorteer word. So hallo almal. Ek is Marra. En dis sover...klem op sover…BAIE lekker in Gauteng!!!!

Hoe nou waar nou?

Wat sommige gehoor het is waar ja, behalwe ek neem nie verantwoordelikheid vir die koek wat weg geraak het nie. Ja nee so gaan die soldate...My rede om te lewe, Paula Zietsman, het 4 maande werk gesoek innie Kaap. En 2 poste gekry vir R2500 en R2800 per maand. Vir 'n gradeerde, is dit 'n goliat klap in die gesig van eer-gister tot oor-more! En na vele soektogte het iemand haar ongelooflike talent raak gesien en 'n pos aangebied in JHB wat ons nie kon weier nie. Laat ek dit so stel, die Kaap, so mooi as wat hy is, kan sy salarisse druk waar die son nie skyn nie. Ons sal terugkom, maar gaan eers vir nou.

So toe sê ek maar vir die liefde van my lewe, pak jou tassies en tee sakkies. Want ek wil ook verandering maak en gulde geleentheid om persoonlike en finansiele waardering op te doen, in die grotte Gauteng. En dis die verhaal. Baie goeie pos gekry by baie groot en sterk IT maatskappy. Baie goeie groei voordele en natuurlik is die finansies buitensporig beter.

As ek hard werk kan ek binnekort lei en laat lei. En ek weet ek kan dit doen. Ek het ook vryheid oor wat ek wil gebruik ens. Solank die deadlines bereik word, gee niemand daar om hoe en waar nie. Het in 1 week, 13 interviews gekry, en teen dinsdag verlede week het ek 4 aanbiedings gehad. Ek het my malle agterent af gery maar dis deel van werk soek. Plus ek en Paula het in JHB groot geword. So dis glad nie vreemd nie. :-) So ek het by CAE, vir die wat nog nie seker is nie, bedank en trek sak en pak Gauteng toe.

Groete!

Ons vir jou…in al ons glorie

Nou ja, hier sit ek en tob oor my gedagtes. Wat om oor te skryf. My vriende, my lewe, my daaglikse gebeure. Eintlik wil ek net goed aframmel soveel ek kan vir ‘n bladsy. Ek toets my nuwe Afrikaanse spel toetser. En ek moet dit duidelik stel, die voorstelle van die blik brein is nogal eroties. Dis kinder geluk om in my eie taal soveel opsies te sien. Aangesien ek so ge-engels is deur my werk en kollegas.
Vandag is Valentyn dag. En gelukkige Valentyn dag vir ieder en elk wat hier lees. Ek het in 27 jaar nog nooit iets spesiaal vir iemand gedoen nie. Dit klink so jammerlik, maar ek het nog nooit die nut gehad om geld te spandeer of liefde uit te deel nie. Hoekom 27 jaar en nie 28 jaar nie? Wel ek het verlede jaar vir ‘n meisie bos rose, KLEIN beertjie en tjoklits gestuur na haar werk. Dit was die eerste keer. En ek het nie eers die dag saam haar spandeer nie. Hierdie jaar het ek die dame van my hart, in my 29ste somer van my lewe. Ek kan nie wag dat hierdie bedrukte dag sy son omgang moet uitvoer nie. Want die Vader weet die vaal en leë atlantis, waar ek my geld verdien dag tot dag, het hierdie ongelooflike gawe om mens se hart tot in jou diepte binne kamer van jou skoen te laat sak. Daar waar die son nie sy lewe-gee strale kan laat skyn nie. En vir een of ander rede voel ek nostalgies. Ek is nie hartseer of ongelukkig nie. Maar ek mis my rede om te lewe. Ek mis haar lag, mis haar stem, en haar frons. J En haar konsentrasie kyk, wat so humoristies is, te oulik!

Maar voor ek onnodig hammer met koek roller aan suur deeg, Dis nou 9:35AM en dan gaan dit 12PM wees en dan 4PM en dan is ek vry, en met die spoed van lig waar ek moet en wil wees. Ek sien die dames van my wonderlike maatskappy het besluit om wit of rooi aan te trek vir vandag. En sommige dink mos die son het ontstaan in ‘n sekere deel van hul anatomie. Ek moes my sonbrille gebring het. Pok dis die Duitse student se laste werksdag vandag. En hy het koek gebring vir die nasie. Sal dit nie hard-op sê nie, maar die een vanilla koek se neute is vreeslik oud en die room is so suur soos ‘n koeie wat nie uitlating aan haar melk eier kon gee nie. Maar ek kla nie, rêrig nie. Wonder net of ek die mense moet waarsku, maar hy het soveel moeite gedoen. Pok dit, laat hul oor groot happe vat en verstik aan die rou. Sies dis lelik…ek wil huis toe gaan. Gaan reg maak. En my tyd by iets en iemand BAIE beter spandeer. Wel ek moet seker weer maak of ek werk. Tyd is geld; en geld is blykbaar brood nodig in vandag se pienk, blou en swart wêreld.

Ek het nou deurgelees, dit gaan die verkeerde indruk skep, maar glo vir my. Dis ‘n pragtige dag, die toekoms is so mooi roos kleur, en ek is gelukkig soos ‘n vark in Palestina. Gelukkige “V” dag en soet wees en geniet.

P.S. Wat 'n mooi hond...

Huil vir verkeerde, duim gesuigde redes

Hulle het deur die donker nagtelike ure by ons maatskappy ingebreek. Een van ons duitse studente, het deel geword van ons misdaad statistiek. En hy is glad nie so opgewonde soos ons nie. Sy skoot rekenaar is gesteel. En soos die reëls van tegnologie dit beaam, is sy skoot rekenaar nog nie hier te koop nie. 2 Skoot rekenaars is gesteel. Al die laaie van, tel...28, tafels is oopgeruk...kaste, kabinette...vir watter rede ook. Miskien het hul rook papier gesoek vir hul onwettige rook tabak of poeier. Vader alleen sal weet. Daar is ander komponente weg maar dis ingenieur goete en gaan nie my help om dit vir julle in volle beskrywings te vertel nie.

En hoe voel ek? Wel ek voel vuil, misbruik en baie kwaad...want hulle het die skoot rekenaar wat die werk vir my gegee het gelos. Tot by die venster gedra waar hulle ingeklim het. Maar net daar laat staan. Is my skoot rekenaar nie goed genoeg nie? Ek kan nie help daar word vir my die afval en oorskot uigedeel nie. Ek kon nuwe skoot rekenaar aangevra het. Vinniger, beter en mooier. Maar ek is bly vir maatskappy dis gelos. Want daar is baie belangrike data op van Volkswagen. En dan natuurlik die gelde betrokke vir nuwes ens...want dit sou seker groot duik gemaak het in ons bonus gelde wat ons nog in 5 jaar nie gekry het nie. ;-) Ek het in my 2 jaar by my maatskappy, ‘n 38% verhoging gekry. En daar is die maatskappy amper bankrot. Nee dis grap...te veel te vinnig mense aangestel of wat ookal. Stel nie belang om te weet nie. Almal is nou in rep en roer. Want hier in Kaklantis is dit voorblad nuus, die inbraak. Dis eintlik baie jammer dat mens moet vergaan van werk, en dat ’n inbraak weer die gons terug bring van ons byekorf. O ek jok...hier is ander gons gewees...nuwe dame is aangestel vir bemarking. Sy het vir “Discovery” gewerk. En sy lyk so oud. Haar oë is terug gesink en lyk nie baie wakker nie. Ek kan verstaan dat haar vorige werk dalk vol stres was. Maar sy is 1 jaar jonger as ek? Maar my punt is, die ingenieurs was almal in rep en roer. Is sy mooi vir my? Glad nie. Is sy lelik? Ek sal dit nie sê nie. Maar hul almal het weer bedaar. Ek meet ’n dame by ons se gewildheid aan die periode wat sy oor gepraat word. En sy is darem nie onder aan die lys nie. As 10 beste is, lê sy 4^de. Sal nie durf uitbrei nie. O en ek sal nooit ingenieurs se opinies vat as wet nie. Dit sal glad nie slim van my wees nie. Maar genoeg van wenners en verloorders...

Ek wil vandag dankie sê vir my mede bloggers...Etain, Donsie, Lee, Phil en Grem...julle rock! Julle blogs rock! As enige individue hier lees en nie die ander ken nie, kyk na die aanwys lys op die regterkant van my blog. Maar net as jul tyd het. Hulle is snaaks, donker, ordentlik, frustreerd, maar groot resultaat is baie opwindend. J Ek kry glad nie genoeg tyd om die aandag wat jul blogs verdien, te gee nie. Maar eendag as ek groot is...dis my digitale belofte. En hou aan om ons te vermaak en te leer van julself. Daar is meer maar dis my groepie wat ek so veel moontlik besoek. Ok ek moet seker terug klim in my werk. Ek sien sommige van julle gouer as later, sal oor redes blog, en die ander sien ek julle op die Net Van Vele...Oor en uit...

Tjoklits…die landelike oesters…

Mens moes dit al gehoor het. Hoe verlaaf mense en vrouens aas tjoklits kan wees. En almal het hul opinie. En ek het myne, met deursigtige humor ek hoop en vertrou. Ek weier om die gek-skiedenis van tjoklits te gaan opsoek en oortik. Maar ek het vrae oor wie dit per ongeluk begin het. Want as dit rêrig so lekker is, dan moet dit per ongeluk gebeur het. Tjoklits is goed vir baie dinge...

Voorbeeld1: Ma slaan die kinders en beskree die arme troetel diere. Pa loop deur met ou koeie wat nie eers meer vleisies aan gebeendere het nie...tel op jou vuil wasgoed, was jou skottelgoed en gee ma ’n tjoklit!

Voorbeeld2: Meisie neem wraak omdat jy dit durf waag het om toilet toe te gaan sonder dat sy weet. die naels kom uit en dis nie vir plesier nie. Na 30 minute se afweer van kat-tipe aanvalle, masseer haar voete, masseer haar rug, vertel haar hoe mooi sy is en gee haar ’n tjoklit.

Voorbeeld3: Man is depresief.Hy is oud en lelik en nie 1 jong dame wil meer vir hom kyk nie. Hy wil ’n Ferrari koop vir 1 of ander rede en sy onderdele, nie kar sinne nie, kan nie stil wees nie. Vertel hom hy is ’n kind, gee vir hom ’n koue bier en ’n tjoklit.

Ek kan nog 100 opnoem, maar ek moet oordra hoe belangrik tjoklits is. Al is jy op 6 de dieet van Januarie af. ’n Vrou wat haar sout werd is, het tjoklits nodig. Dis so in die boek van lewe en dood aangeteken. Ek betwyfel glad nie die Boek van die Here nie. Maar ek dink die enigste rede hoekom EVA ’n appel gekry het vir die sonde-val, was omdat Adam nie so gretig sou wees met tjoklits nie. Ek geniet tjoklits na harde dag. Maar onthou, Adam het nog nie gewerk nie. Hy en sy wonderlike vrou het met hul Oakleys rondegeloop en na die diere gekyk. En hier en daar in stroompie baljaar. Ek het ook met groot bekommernis gesien hoe ’n vrou ’n vroulike weergawe raak van “Hulk”, net omdat sy haarself weerhou het van tjoklits. Ok sy was net rooi, nie groen nie. En my wit Uno motor het dit net-net gemaak winkel toe en terug met groot blokke tjoklits en neute. Ek was die redder van die groep. Maar ek wou net onnodige bloed vloei stop. Plus haar kleure het begin skeur is dis strafbaar om in jou onderklere, die wat hou, te loop op straat. Dis nou snaaks...hoekoem skeur “Hulk” se klere, maar sy broek bly heel? Hy groei nie in porporsie nie. Wat ’n simpel groen uitwerpsel van ‘n monster.

Terug na tjoklits....As ek moet kies, sal ek eerder vrylik tjoklits uitdeel. Want 1, vroulike “Hulk” form is nie baie mooi nie. Punt 2, dit veroorsaak net soveel onnodige stres en kwaad gevoelens en Punt 3, daar is beter dinge om oor te gesels en te doen as om oor een of ander ding buite menslike beheer te baklei.

Ek het tjoklits gebruik as voorbeeld, maar almal is anders, dank die Vader! Ek weet van mense wat droë wors verslaafdes is, tjips...en dan nie eers van drank ensovoorts te praat nie. Nee wat, eet jou tjoklit, of wat ookal jou hare terug blaas. Suig, drink en lek lustig totdat jou verhemelte
afdop, maar hou matigheid voor oë. Te veel van enige goeie ding, is sleg vir jou...
Murphy se 8^ste wet.

Vuur en vlam, ver…ver van die dam

Dit is ongelooflik hoe baie die haar kleur in vandag se tyd ’n rol speel op die persoonlikheid van die mens. My 1 teorie is dat dit grootliks die mense om die persoon is, wat groei. En nee nie net die ouers nie. En ek bedoel ook geensins dat dit ’n negatiewe invloed is nie. Maar hoe kan haar kleur iemand kwaai, dom of beter as ander maak?

Ek kan geen DNA bewyse daarvoor kry nie, en ek het my vingers al stomp en bloederig ge”google” na enige antwoorde. Plus ek het met my eige oog gewaar hoe iemand se persoonlikheid bietjie verander as gevolg van die hare wat ander kleur is. Rooi = gewaar, blond = dom, bruin = tussen blond en rooi en jaloers op eers genoemde. Maar wat betekn dit? Een of ander aap met dik bril en wit jas, het by huis opgedaag nadat hy saam sy dik bril vriende gaan drink het, en sy vrou het hom lip, tong en koekroller gegee, nie omdat haar hare ’n kleur is nie, maar omdat dit natuurlik is vir 1 persoon om bekommerd te wees en seergemaak te wees. En wragtig, toe die pankop met skewe bril sy babbelas behandel by die werk, het hy rooi en kwaai in ’n formule gesit en vir die ander, wat nog dronk is, oorreed dat hy met alkoholiese insig die antwoord van natuur gekry het. En hulle het hom geglo. Want wie stry met ’n brein wat pyn, oë wat nie kan kyk nie en ’n tong wat vasplak teen als innie mond omdat die 7 jaar droogte aangebreek het. Ek het in my lewe baie vroue aspris kwaad gemaak. En ja meeste van hulle het rooi hare. Maar dis omdat hulle kwaad gevoelens opkrop. En as daar 1 onderwerp is wat ek goed verstaan:Vroue(enige) moet nie gevoelens opkrop nie. Dis baie sleg vir hul emosies en hul geliefdes. Want as die bom bars...So ek sou tipies die vriendin irreteer totdat op my geskree, en sommige, my geslaan word. En die verandering daarna is ongelooflik. Hulle is vriendeliker as toe jy hul ontmoet het! Hoekom doen ek dit?

Want as ek 1 dom man kan red van homself, is dit ’n goeie week. Min mans doen moeite. En die lys van klein goedjies wat hul kan doen is groot. Te groot om te noem. Maar 90% van vroue is tevrede met min. Rêrig min, so jy kan dit nie eers moeite noem nie. En die man/verloofde/ou wat nie moeite doen nie, gaan les opsê. Maar hul besef dit nie. Ek weet ook nie als nie. Ek dink net my voet se groot toon, is in die deur wat verstaan betref. Plus ek is iemand wat dit kan hanteer dat vrou uitbars teenoor my. Want ek vat dit nooit persoonlik nie. Want dis nie ek nie. Dis ’n situasie wat haar omkrap. Ok vroue moet ook leer om meer hul beter helfte te vertrou en beter oor te dra. Ek lag my dood vir mans wat sê vroue verwag hul moet ruik – sy verwag ’n oor wat LUISTER en PROBEER VERSTAAN. En dan is my ander maag oefening vir vroue wat sê hy verstaan my nie – het jy dit DUIDELIK gemaak wat pla, tot op die punt? Mans sal verbaas wees hoe sommige vroulike logika meer sin maak, as jy net luister. En vrouens sal verbaas wees hoe goed ’n man kan luister, as die punt duidelik is. Nou hier is 1 van die grootste geheime wat EK geleer het.

Mans – Vroue werk met die probleem op hande en konsentreer op die probleem – hoekom het dit gebeur, waarom het dit gebeur, wanneer het dit begin.

Vroue – Mans werk dadelik aan die oplossing en konsentreer op opsies vir probleem – hoe nou van hier af, wat nou verder, wanneer om wat te doen.

Vroue – Mans werk dadelik aan die oplossing en konsentreer op opsies vir probleem – hoe nou van hier af, wat nou verder, wanneer om wat te doen.Dis nogal ’n skok, as vriendin jou probleem vertel, en jy so trots is omdat jy binne 9 milli sekondes 5 oplossings uitdink, en daar gehuil word en oor foon geskree word, maar jy verstaan my nie? Stilte, my bloed dreineer van my mooie wangetjies...hoe de...Wag? Ek verstaan die probleem presies? Ek gee dan oplossings? Liewe hemel. Vroue....Ai tog....pok tog...wie kan met hul kommunikeer. Na 5 jaar besef jy, sy soek nie oplossings nie, sy het dalk beter en meer oplossings. Sy wil hê jy moet haar probleem verstaan en ja dit is erg, of nee dis nie so erg nie. Of meer vra vrae. Ek het baie bloed gespaar nadat ek dit besef het. En weereens almal is nie dieselfde. Dit werk net beter as wat ek gedink het.

Nou vir almal...gebruik dit, verkoop dit, lag dit af....jou keuse, maar dink daaroor, dan is my dag gemaak!

Denke oordryf, mense wat self hul probleme invryf

As ek terug dink aan al die manewales wat ons aangevang het as kinders, kan ek stories vertel wat derduisende boeke sal vul, met klein skrif. Ek het hierdie geseënde jongmens lewe gehad. Vol drama en angs, met humor om elke draai. Soos Checkers, was daar lag tussendeur, net om die hoek.

Ek misbruik soms my humor. Maar ek kan nie anders nie. 1 voorbeeld wat ek nou spesifiek aan dink. Ons het by ’n vriend gesit en kuier. Was std 9 of nee, om eties korrek nou te wees, was graad 11. Gesit en drink en gesels en net, wel jonk wees. En vir een of ander rede, was Hendrik die grootte se koffie tafel glas blad, gerookte glas blad, gekraak. En niemand weet wat daar gebeur het nie. En in ons onskuld, ons het buite gesit en kuier. Niemand was in die huis nie. Hendrik die grootte se pa het opgedaag na lang dag by die werk, soos ons “eeu van tegnologie” dit betaam, en met swaai-ende arms en een groot bulderende opera stem geskree:”Hendraak....Hendraak, wat gaan hier aan...Hendraak?! Nou ek hoef seker nie vir julle te vertel hoe hard ons gelag het nie, of hoe vinnig ons moes hardloop nie. Maar ek kon nie myself keer nie. Toe hierdie ongelooflike groot oom, in sy diepste opera stem van ons ’n verduideliking verwittig, en die aarde skielik donker word soos die son verdwyn agter die reus, het iets in my net gebreek, lag en trane het gevloei soos ons liewe nyl revier.

En soos ons almal weet, lag is vreeslik aansteeklik, vir al in onvanpas situasies. So almal het opgeeindig met seer maag spiere en nat wange. Ons almal het die volgende dag gaan omverskoning vra, vir die disrespek en gebreekte blad. Maar dit was glad nie snaaks nie. Die oom se hande kan jou hele gesit toemaak, ek sidder om te dink wat dit aand jou sal doen as tug uitgedeel word. Daar staan ons in ’n ry. Maar Hendrik die grootte, het dit goed gedink om dit terug te hou dat die bediende skuld erken het, en die helfte van die blad betaal het, wat self ’n baie ongewone storie is. Ek skryf dit toe aan die oom se lengte en grootte. Wat dit intimideer jou. Fisies en geestelik. In elkgeval, daar staan ons parade soos sardientjies in ’n ry. En die oom sal wragtig ’n stokkie onder sy arm druk soos ’n weermag offisier van ouds. En op en af paradeer en ons met groot, swart oë aangluur. Blykbaar het die angs op ons mombakkies sy siel gedraai, want vinnig het die oom uitgebars van die lag en ons vertel van die skuld erkening. Snaaks dat net ek saam met die oom gelag het. Dis seker die gedagte dat jy mank en krom gaan uistap wat die ander se humor opdroog het. Dis onnodig om te vertel dat Hendrik die grootte ’n straf gekry het. En hy het sy 20 kilo’s verloor, en die res van die vriende se ouerhuis-grasperke was goed versorg vir 3 maande.

Ek lag soms in die verkeerde situasie. Maar ek kan dit nie voor help nie. Dis asof my brein humor vind vir moeilike situasies. En my self so beskerm teen die emotionele ontnugtering wat gaan volg. Soms word donker stories met ernstige, geestelike gemoed vertel of weerpieel, en ek kan nie help om iets snaaks uit te wys nie. Ek kan met trots sê dat niemand wat ek ken nog seer gemaak is daardeur nie, waarvan ek weet nie. Want ek klou aan die hoop dat my ongewone en soms erg ontydige humor hul help om hul lot te vergeet. Of beter te verwerk. Ek erken, soms kan ek myself te veel in ander inleef. En dis nie lekker nie. Ek voel glad nie soos die een wat vertel nie, en sal ook nooit nie maar ek voel soos ek sal voel indien dit ek was, m.a.w. ek trek hul skoene aan. Wel al wat ek kan sê is, humor is dan nodig....brood nodig. Vir die wat nog wonder, ek is terug in die land van melk en heuning. Maar ek wonder...dis vandag 42 grade, en die ongemaklikheids grade is 48. En dis volgens WeatherSA.co.za vir die wat ongelowig is. AMEN!

Sewe soorte van daardie gemors

Hello my mede bloggers,lesers en land genote. Ja dit was al ‘n hele ruk terug en ek skryf nou eers weer. Ek kan nie help nie, ek is teen my wil na die Hel gestuur. Vir die wat te veel brein selle gedooi het in die feestyd en nie meer kan onthou nie, ek is PE toe gestuur waar ek rekenaars, sagteware en menslike kennis op datum bring. Dis nie so erg hier om te bly nie. Maar dis erg warm. Hoe warm, so warm dat ek nie my wel verdiende sigaret hoef op te steek met my vuur aansteker nie. Ek los hom so amper 2 minute in die son.

En die bogger vlam vanself. Pure genot!

Ek is al 3 dae hier. En dit voel asof ek nie meer kan leef nie, die verlange na my beterhelfte is tragies vir die siel. Maar dis nie nou iets om oor te skryf nie. Soos my wonderlike sus skree: “Happy thoughts…HAPPY THOUGHTS!” Ok ons hou dit positief. Ek bly in oulike plekkie sonder kakkerlakke en slange en slake. Wat groot bonus is. Want die ander gaste huis wat ook deur die trunk(my maatskappy) gebruik word, is vol van die ongewone klein diertjies. Wat laat ek foto neem…Ok dis sommer die foto vir die blog. Dis van die toilet geneem vir die wat gewonder het. En die vuurherd is net-net sienbaar. En waarom ‘n mens ‘n vuurherd in die Hel wil geruik sal net hulle weet wat hier bly. O ja die afstandbeheer vir die tv kan nie van ‘die troon’ af die program nommer verander nie. Sommer simple, maar ek werk met wat ek het. Die werk gaan goed, die enjins loop mooi. Ek kry so nou en dan kans om sewe soorte mens / dier afval uit hul te toets. Tot groot minagting van sekere top mense hier by Volkswagen. Maar ek is nie hier om NET te werk nie mense. Ek het vir paar mense probeer geskenkies reel, soos pette en sleutelhouers ens. Maar ek sal eerder die nagamaakte goed gaan koop. Pok weet hoekom die regte egte gemors so duur is. Dis nog steeds net ‘n hoed met bietjie naaldwerk op? Die ontbyt hier by die gaste huis is ongelooflik lekker. Eerste oggend my maag sommer dom geeët. My maag was lanklaas so kwaai vir my. Maar dis my verdiende loon, want ek wil mos nie pokken hoor nie. Die eerste aand was ook vol opwinding. Na 3 ure se anvontuurlustige rondkrap en val het ek die volgende ontdek:

1. Gordyne kan toe, sodat die maan se lug nie my verblind en pokken wakker hou nie.
2. Die bessies in die tuin is nie vir eet doeleindes nie.
3. Die mense by die buurt se Moslem kerk sing nogal baie mooi.
4. Dis warm.
5. Die stort werk baie lekker.
6. Dis warm.
7. En die buurt is rustiger as vorige keure vir een of ander rede.
8. O ja en dis pokken WARM.

Ok ek moet seker nou weer gaan. So bietjie rus voor ek aand-ete gaan aanpak. Ek sal seker meer te skryf hê as ek terug is by werk. Wat eers oor 3 weke gaan wees. Ek kom darem terug die 12de Januarie, net voor ‘n goeie vriend se 30 ste verjaarsdag. En dis ‘n heel naweek partytjie. Laat Donsie en Me julle vertel. Dit gaan lekker wees. Hoop Vee kan dit maak. Sal hom graag wil ontmoet. Nou ja, aan al die mense, hoop jul feestyd was belowend, en sterkte met die nuwe jaar. Myne gaan groot en mooi wees, alhoewel hy baie swak begin, het ek my beterhelfte aan my sy. En sy is bang vir niks op aarde nie. Mis jou!